ماهوش مجرد منتدى
ولا كلمة ممكن تتكتب
وفـ لحظه ممكن تتشطب
وتروح سدى
ماهوش مجرد منتدى
دا عيله دافي حضنها
تفرح تلاقي فرحها فوق الوشوش
ضحكه بريئه بتترسم
من طفله حلوه وشها..صابح بشوش
وتحزن تلاقي حزنها
فاق المدى
ماهوش مجرد منتدى
لو يوم نعاتب بعضنا
بسرعه نفتح قلبنا
بسماحه ساكنه فـ وسطنا
ومش مهم مين ابتدى
ماهوش مجرد منتدى
ايمان بيجري فـ دمنا
وثقافه ايوه من هنا
وسياسه برضوا عندنا
والبسمه ليها وقتها
مش راح تلاقي زيها
هاديه وصافي ضيّها
زي نجم سارح فـ الفضا
ماهوش مجرد منتدى
ياللي حروفك من دهب
عنوان مدينه تشدنا
بتضمنا...وتلمنا
فـ دروب كتيره من العجب
متزينه
بواحة جميله من الادب
كلمات ارق من الندى
ماهوش مجرد منتدى